[Translation.]
Ko ke Kupu a te Komiti mo runga i te Pukapuka-inoi (Nama 5) a Hirini Taiwhanga me ona hoa e 2.

E ki ana nga kai-inoi kahore i ata whiriwhiria te pukapuka-inoi a Ngapuhi i tukua ki te Paremete i te tau 1874 he whakahe mo te whakakorenga o "Te Ture Whenua Maori, 1865," e ki ana ratou kahore nei i kitea tetahi mate iti nei o tenei Ture i roto i nga tau e waru i mahia ai—ko nga Maori kuare anake o Nepia.

E ki ana ratou (nga Kai-inoi) kua kino te whakahaere o te Ture Whenua Maori 1873 kua pa he mate ki nga tangata kua pau nga moni o te katoa. E inoi ana ratou kia whakakorea atu te Ture o te 1873, a e whakaaro ana ratou ki te waiho tonu taua Ture kia whai mana ana mo tetahi atu tau ka mate nga tangata.

Kua whakahaua ahau kia ki penei atu ki te Whare:—E pouri ana te Komiti notemea kahore ratou i whai taima ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.