[Translation.]
Ko te Kupu a te Komiti mo runga i te Pukapuka-inoi a-Maihi P. Kawiti me ona hoa e 269.
E whakapuaki ana nga kai-inoi i etahi kupu whakahe mo te Ture Whenua Maori i whakatakotoria ki te aroaro o te Paremete i tenei tau engari i unuhia ano ki waho.
E ki ana ratou e kino atu ana tenei Ture i nga Ture o te 1873, 1874, a e ki ana ratou e rangirangi kau ano te mate i te ora, te waiho tonu hei taunuunutanga mo nga tau maha e haere ake nei. A i te mea e whakahe ana ratou ki taua Ture hou e inoi ana ratou kia whakakorea atu nga ture o te 1873–1874.
E mea ana hoki nga Kai-inoi kia whakamutua atu a te Minita mo te taha Maori kia whakaturia tetahi tangata hei riiwhi mona ka tahuri ki te hanga i nga ture pad ekore nei e tahae i o ratou whenua, i nga ture marama e kotahi ai nga iwi e rua.
Kua whakahaua ahau kia penei atu ki te Whare:—E pouri ana te Komiti notemea kahore ratou i whai taima ki te uiui i nga tikanga e taea ai e ratou te whakaputa i tetahi whakaato ma ratou mo runga i nga kupu o tenei pukapuka-inoi.
John Bryce,
Tumuaki.