[Translation.]
Ko te Kupu a te Komiti mo runga i te Pukapuka-inoi a Ruiha Teira me ona hoa e 3.

He pukapuka-inoi tenei na Ruiha Teira me ona hoa e 3 o te iwi Taranaki, e ki ana ratou ko etahi o o ratou whenua e tata ana ki Taranaki kua riro mo te hara o te iwi, engari kahore ratou i uru ki te mau patu ki a te Kuini, e ki ana ratou kua whakaaetia e te Kawanatanga te tika o ta ratou tono engari kahore ratou i whakaorangia. E tono ano ratou ki te Whare kia whakaorangia ratou.

Kua whakahaua ahau kia ki penei atu ki te Whare:—E pouri ana te Komiti notemea kahore ratou i whai taima ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.