Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Te Kupu a te Komiti mo runga i te Pukapuka-inoi a Wi te Hakiro me one hoa 336

[Translation.]
Te Kupu a te Komiti mo runga i te Pukapuka-inoi a Wi te Hakiro me one hoa 336.

E tono ana nga Kai-inoi kia tukua nga Maori kia noho i roto i nga Runanga tekaumarua (Huuri), kia whakamaoritia nga Tare katoa, kia whakatokomahatia nga mema Maori ki roto i te Whare o nga Rangatira i kowhiria i runga i te pooti a te Iwi a kia whakangawaritia ki a ratou nga ture mo te hoko paura.

Kua whakahaua ahau kia ki penei atu ki te Whare:—

Mo runga i te tikanga kia noho he Maori ki roto ki nga Runanga tekaumarua (Huuri) e whakaaro ana te Komiti kei "Te Ture mo nga Huuri, 1868," tetahi mana mo te ahua o taua mea inaianei. Ko taua tikanga kahore ano i whakaotia tuturutia a kahore e taea te whakaoti engari ma te Kawana i runga i te mana kua hoatu ki a ia e taua ture e hanga i etahi tikanga whakahaere. E mea ana te Komiti he mea tika kia whakahaeretia te mana e tau ana ki te Kawana i runga i taua Ture kia ahei ai page 4te whakauru i nga Maori ki nga Runanga tekaumarua (Huuri) mo nga ahua whakawa e whakahuatia ana e te Ture e uru ai ratou.

E tono ana hoki nga Kai-inoi kia whakamaoritia nga Ture. Kahore e taea e te Komiti te ki he mea tika kia whakaaetia tenei tono katoa otira ki ta ratou mahara me ta ki te reo Maori me tuku ki nga wahi katoa nga Ture e tau ana ki nga Maori ake.

Mo runga i te tono a nga Kai-inoi kia whakatokomahatia nga mema Maori ki roto ki te Whare kia whakangawaritia nga Ture mo te hoko paura e mahara ana te Komiti he mea enei e uru ana ki nga tikanga nunui kahore e tonoa kia whai kupu ratou mo enei.

John Bryce, Tumuaki.

Hurae 26, 1876.