[Translation.]
Ko te Kupu a te Komiti mo runga i te Pukapuka-inoi a Meihana Taipu me ona hoa 10.

Ko tenei pukapuka-inoi mo tetahi whenua kei Porirua, kua Karauna Karaatitia ki tetahi tangata ko Eritana (Ellison) te ingoa hei whakarite i tetahi hoko tawhito ana i te tau 1837.

E ki ana nga kai-inoi no ratou te whenua, inahoki kahore ratou e mohio ana i whakaae to ratou papa, te tangata nona te whenua, ki te hokonga, a e tono ana ratou kia whakatakotoria te pukapuka tutu ki te aroaro o te Whare.

Kua whakahaua ahau kia ki penei atu ki te Whare:—Ko nga tikanga o tenei pukapuka-inoi kua ata kimihia i etahi wa e etahi Komihana, Pakeha Maori hoki i whakaturia mo taua mea, a e rua hoki nga kimihanga i te aroaro o nga Komiti o te Whare, oti katoa ana nga putake te whiriwhiri, a ko ta ratou kupu tenei i te tau 1869:—

"I te 20 o Hune, 1863, ka tuhia e te Kawana tona ingoa ki te Karauua karaati mo nga eka 388 (he wahi tenei no nga eka e 2,000 i hokona e Te Kangihaeata ki a Eritana i te 6 o nga ra o Hepetema, 1837). I kimikimihia nga tikanga o tenei me etahi atu whenua i hokona e Eritana, e Te Peina Komi-hana i te tau 1843; no te tau 1852 ka kimikimihia a no e Te Makarini; a no te tau 1862 katahi ka ata kimikimihia ka whakaotia e Meiha Erueti, e Te Wetini Komihana mo nga Whenua Rahui i te Takiwa ki Werengitana, ko Tamihana te Rauparaha to raua hoa Maori, a i runga i te kupu a aua tangata ka whakaputaina e Te Kawana te Karauna Karaati mo nga eka e 388. Kua pataia e te Komiti a Te Wetini, a Tamihana te Rauparaha, a Matene te Whiwhi hoki (te iramutu o Te Rangihaeata) mo runga i te hokonga me te tukunga o tetahi wahi ki a Eritana; a kahore he take i kitea e ratou e whakahe ai ratou ki te tika o te kupu a aua tangata a Meiha Erueti ma, mo taua tangata mo Eritana, i whakatuturutia e te Karauna Karaati. E whakahau ana te Komiti ki au kia ki atu au e rite ana to ratou whakaaro ki nga kupu kua tuhia i runga ake nei a ekore ratou e tono ki te Runanga Nui kia whai ritenga mo te mea i whakatuturutia i te tau 1862."

Na ekore rawa e taea inaianei te whakatepe i nga korero kia rite ki era kimikimihanga o mua a kahore tenei Komiti i kite i tetahi take hei whakarerenga ketanga i te Kupu kua tuhia i runga ake nei.