Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Ko te Kupu a te Komiti mo nga mea Maori mo runga i te Pukapuka-inoi a Meha te Moananui me ona hoa 140

[Translation.]
Ko te Kupu a te Komiti mo nga mea Maori mo runga i te Pukapuka-inoi a Meha te Moananui me ona hoa 140.

E ki ana nga kai-inoi ko nga maina raiti me nga reti o nga whenua koura ki Ohinemuri e puritia ana mo nga taonga i tukua ki a ratou e te Kawanatanga; ko o ratou whenua e herea ana e te Kawanatanga; ko nga kau a nga pakeha e pokanoa tonu ana ki runga ki nga whenua o nga maori; a e ruri whenua ana nga tangata a te Make i te mea kahore nga tangata no ratou e whenua i whakaae.

Kua whakahaua ahau kia ki penei atu ki te Whare:—Ko nga maina raiti e whakahuatia ana i roto i te pukapuka-inoi e puritia ana e te Kawanatanga hei whakaea i nga taonga me nga moni i tukua i runga i te mana o tetahi pukapuka whakaaetanga a te Kawanatanga ratou ko nga Maori no ratou te whenua. E whakaaro ana te Komiti he iti rawa te take pouri a nga kai-inoi haunga ia te pokanoa a nga kau ki runga i o ratou whenua na te hapa o etahi tikanga o te Ture mo nga pauna o te Porowini o Akarana.

John Bryce,
Tumuaki.

Oketopa 16, 1876.