[Translation.]
Ko te Kupu a te Komiti mo runga i te Pukapuka-inoi (Nama 1) a Ngatitoa.
E ki ana nga kai-inoi e whai take ana ratou i runga i te rau o to ratou patu ki tetahi whenua ko Tararua te ingoa.
Ko taua whenua kahore ano kia whakawakia e te Kooti Whakawa Whenua Maori.
Kua whakahaua ahau kia ki penei atu ki te Whare:—
E taea ana e nga kai-inoi o ratou take, me he take o ratou i runga i te tikanga Maori, te kawe ki te aroaro o te Kooti Whakawa Whenua Maori, ko tera te huarahi tika hei kimihanga i nga take whenua Maori.
Kahore tenei Komiti e titiro i nga tono a nga Maori kia whakataua e ratou nga tautohe e tau ana ki nga whenua e takoto ana i runga i te take Maori.
John Bryce,
Tumuaki.