Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Ko te Kupu a te Komiti mo runga i te Pukapuka-inoi a Paurini te Rangiwhakarurua me ona hoa e 64

[Translation.]
Ko te Kupu a te Komiti mo runga i te Pukapuka-inoi a Paurini te Rangiwhakarurua me ona hoa e 64.

Kahore e whakaaturia ana i roto i te pukapuka-inoi tetahi mate kia whakaorangia engari e tohutohu mai ana kia whakarerea ketia etahi o nga tikanga o te Ture e maharatia ana e nga kai-inoi he mea marama kia whakarerea ketia.

Ko nga tino kupu kia whakamana e te Ture nga Komiti o nga iwi kia ahei ai ratou ki te kimi i nga take raruraru e tau ana ki nga whenua, me etahi atu take raruraru.

E ki ana hoki ratou me whakamutu te tuku nama a nga Pakeha ki nga Maori, me whakarere ke te Ture e mana ana kia hereherea te tangata mo te nama, me whakarere ke te Ture e mana ai te tango i nga whenua i nga taonga hei utu nama, he maha atu hoki a ratou kupu tohutohu.

Kua whakahaua ahau kia ki penei atu ki te Whare:—Kahore te Komiti e whakaaro ko tenei pukapuka-inoi he mea ma ratou e kimi, engari he whakaatu mai i nga mahara o te iwi o nga kai-inoi mo etahi tikanga e tau ana ki nga Maori.

No reira e kore e taea e te Komiti te whakapuaki i tetahi kupu tuturu ma ratou ki te Whare mo tenei pukapuka-inoi, engari e mea ana ratou me tuku atu tana pukapuka-inoi, me ana tohutohu maha me ana kupu whakangahau, ki to Kawanatanga ma ratou e titiro iho.

John Bryce,
Tumuaki.

Hepetema 27, 1876.