[Translation.]
Ko te kupu a te Komiti mo runga i te Pukapuka-inoi a James Nelson Williams.

E ki ana to Kai-inoi ko ia te kai-whakahaere mo Frederick Nelson raua ko William Nelson na raua nei i riihi i te tau 1867, i nga Maori i Karauna karaatitia ai i te tau 1866, etahi whenua kei te Porowini o Hawke's Bay.

E ki ana hoki ia i mate tetahi o nga tangata o te Karauna karaati, ara a Karamoa Pohatu i te wa kahore ana i taea e ia te tuhi i tona ingoa ki te riihi, a ko tona riiwhi ko Peni te Ua kahore e whakaae ana ki tana riihi mo te wahi e whai tikanga nei ia ahakoa utua tonutia te moni o te reti ki a ia i nga wa tika.

E ki ana te Kai-inoi i tika tonu i whai mana tonu tana riihi i mua atu o te whakatuturutanga o "Te Ture Whenua Maori, 1869," otira no te hokinga o te mana o te 12 o nga rarangi o taua Ture ki mua e kiia ana kei te awangawanga te tu i runga i ta to Ture a nga tangata kei a raua te riihi a kua kiia atu ki a ia tera e mahia i runga i te Ture he tikanga e Peni te Ua te riiwhi o Karamoa Pohatu hei pana i nga tangata i a raua te riihi i runga i te wahi i a Karamoa Pohatu i mua.

E ki ana te Kai-inoi notemea i tika tonu i whai mana tonu te tu a Frederick Nelson raua ko William Nelson i runga i te tikanga o te Ture i mua atu o te whakatuturutanga o "Te Ture Whenua Whenua Maori, 1869," me hanga he tikanga hei whakakahore i nga awangawanga mehemea kua puta ake mo te ritenga o te mana o taua rarangi 12 o taua Ture a e inoi ana ia mo taua mea.

Kua whakahaua ahau kia ki penei atu ki te Whare:—Kahore e kitea ana kua taea te wa e marama ai kia tono te Kai-inoi kia whai tikanga te Paremete, notemea kahore e kitea ana e whai tikanga whakahe ana te Ture inaianei ki te paanga kua whakaaturia mai, a ko te mea marama kia waiho ana tu mea kia whakaotia e nga ritenga whakawa.