Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Ko te Kupu a te Komiti mo runga i te Pukapuka-inoi a H. M. Rangitakaiwaho me ona hoa e 394

[Translation.]
Ko te Kupu a te Komiti mo runga i te Pukapuka-inoi a H. M. Rangitakaiwaho me ona hoa e 394.

He pukapuka-inoi tenei na nga Maori o te iwi Ngatikahungunu e noho ana ki te taha ki te Rawhiti o Te Ika-a-maui. E hiahia ana nga kai-inoi kia panuitia nuitia ta ratou piri pono ki a te Kuini me ta ratou hapai i ana Ture.

E mea ana nga kai inoi kia tu i ia tau, i ia tau he huinga o nga rangatira Maori o nga iwi katoa ki te korero i nga mea e whai tikanga ana ki nga Maori ki te whakatakoto putake hei tukunga mai ki te Paremete. E whakapuaki ana hoki ratou i ta ratou whakaaro kia whakakorea atu te Ture e mana ana inaianei hei whakatu tangata Maori ki roto ki te Runanga, kia ahei ai te whakatuturu tetahi Ture hei whakatokomaha atu i nga mema Maori i roto i te Whare o nga Rangatiria i kowhiria i runga i te pooti a te Iwi.

E ki ana hoki ratou e kino ana nga whakahaeretanga o te Ture whenua Maori, a e mea ana me mutu te hoko whenua i runga i taua Ture e nga apiha o te Kawanatanga, a e inoi ana ratou kia whakatuturutia tetahi Ture hou.

Kua whakahaua ahau kia ki penei atu kia te Whare:—

He ritenga nui nga ritenga o tenei pukapuka-inoi he maha aua ritenga e tau nui ana ki nga tikanga o te taha Maori.

E mea ana te Komiti me ta tenei pukapuka-inoi me tukutuku atu kia kite te katoa a e tono atu ana ratou kia tirohia paitia e te Paremete te pukapuka-inoi.

John Bryce,
Tumuaki.

Hepetema 7, 1876.