[Translation.]
Ko te Kupu a te Komiti mo runga i te Pukapuka-inoi a Hirini Taiwhanga.

E Tono ana te Kai-inoi a Hirini Taiwhanga kia utua ia mo te korenga o tana mahi i runga i te tangohanga o tana raihana ruri whenua, e tono ana hoki ia ki te utu mo te ngaronga o te mahi a tana tuakana i runga i tona hopukanga i tona puritanga e nga Maori i te wa e mahi ana ia mo te Kawanatanga.

Kua whakahaua ahau kia whakapuakina e ahau tenei kupu:—Na te hara a te Kai-inoi i tangohia ai tana raihana, tetahi hoki kahore e tika kia tono utu ia engari me whakawhetai ia mo runga i te whakahokinga ki a ia o tana raihana.

No reira i kore ai te Komiti e marama ki te ki atu ki te Whare he mea tika kia whakaarohia paitia tenei pukapuka inoi; a mo runga i te tono mo tana tuakana e mahara ana te Komiti kia kaua e whakaarohia.