Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1876.

[Translation.] — Ko te Kupu a te Komiti mo Runga i te Pukapuka-inoi a Pitihira te Kuru me ona Hoa e 35

[Translation.]
Ko te Kupu a te Komiti mo Runga i te Pukapuka-inoi a Pitihira te Kuru me ona Hoa e 35.

E ki ana nga kai-inoi kihai ta ratou hapu i uru ki te hokonga o te whenua i waenganui o Manawatu o Rangitikei ki a Takuta Petatone a kahore i tangohia e ratou tetahi wahi o te moni utu mo reira. E ki ana ratou kua tangohia hetia i a ratou tetahi whenua kei te takiwa o Manawatu, ko Himatangi te ingoa, a e mate take kore ana ratou i runga i taua tikanga notemea i noho tonu ratou i runga i te whenua.

Kua whakahaua ahau kia ki penei atu ki te Whare:—Kahore he mea hei arai i te whakawhiwhinga o te hapu o nga kai-inoi ki te whenua i whakataua ki a ratou e te Kooti nana i kimi to ratou take, otira notemea ko ta ratou tono he mea kia apititia he whenua ki tera i whakataua ra ki a ratou ko to ahua o tenei pukapuka he tono kia whiriwhiria ano te whakataunga a te Kooti.

Ko te whakaaro o te Komiti ekore e marama kia noho ratou hei Kooti whiriwhiri i nga whakataunga a te Kooti Whakawa Whenua Maori notemea ekore rawa e taea e ratou te whakarongo i nga korero maha te whakapau ranei i te taima tika mo runga i te mea kotahi e ahei ai te whakatau marama. Mo tenei pukapuka-inoi kahore te Komiti e marama ki te whai kupu atu whakapai ki te Whare e maharatia ai e nga kai-inoi he whakatuwhera ano i a ratou tono.

John Bryce,
Tumuaki.

Akuhata 23, 1876.