[Translation.]
Ko te Kupu a te Komiti mo runga i te Pukapuka-inoi a Frederic Sutton (Pererika Tatana).
E ki ana te kai-inoi kua pa ho mate ki a ia mo tana korenga kahore i taea e ia te whakaea ona moni i pau i tetahi whakawakanga i tu ai ia i he ai etahi tangata Maori e inoi ana ia kia whakarerea ketia te Ture kia ahei ai nga whenua kua Karauna karaatitia ki nga Maori hei taunga mo nga utu i roto i nga whakawa a tetahi tangata ki tetahi. Kua whakahaua ahau kia ki penei atu ki te Whare:—
Ki te whakaaro o te Komiti kahore i whakaturia e te kai-inoi te tika o te ki he mate tona i runga i tenei mea inahoki e kitea ana i runga i nga kupu i whakapuakina i te aroaro o te Komiti i whakaotia i whakaaetia ranei kia whakaotia tetahi Pukapuka whakaaetanga mo nga utu o te whakawa i mua o te whakarongonga o te korero tuarua. A e mahara ana hoki te Komiti mehemea ka whakarerea ketia te Ture kia whakaritea ki runga ki ta te kai-inoi e tono nei, he raruraru te putanga ake.
Koia ratou i kore ai e kaha ki te tono atu kia whakaarohia paitia e te Whare te tono a te kai-inoi.
John Bryce,
Tumuaki.