[Translation.]
Ko te kupu a te Komiti mo runga i te Pukapuka-inoi a Meha te Monananui me ona hoa 165.

E ki ana nga kai-inoi to etahi whenua koi Hauraki kua tutakina e te Kawanatanga a e mate ana ratou i tana tikanga.

E tonggo ana ratou kia whakatokomahatia nga mema ki roto ki te Runanga o nga Rangatira i kowhiria i runga i te pooti a te iwi a e mea ana ratou ko nga mema Maori o te Runanga Whakatakoto Ture ma te iwi e whakatu; e inoi hoki ana ratou kia tukua nga Maori kia noho i roto i nga Runanga tekaumarua (Huuri) a e whakaatu mai ana ratou i etahi whakawakanga i meatia e ratou kua tika kia whiriwhiria e te Huuri i uru tahi ai te Maori me te Pakeha.

Kua whakahaua ahau kia ki penei atu ki te Whare:—

1.	E whakaaro ana te Komita ko te tikanga whahahaere penei i nga whenua Maori ka nui te ahua raruraru a ko tenei mea katoa e tono ana kia tino whiriwhiria e te Whare.
2.	Notemea kei te aroaro o te Whare te korero mo te whakatokomaha i nga mema Maori ki reira ata whiriwhiria ai pea, kahore te Komiti e whakaaro he tino tikanga kia whai kupu ratou mo tenei. A, mo runga i te inoi i roto i te pukapuka-inoi kia waiho ma te iwi e whakatu nga mema o te Runanga whakatakoto Ture, kahore te Komiti e marama ki te tohutohu atu i tetahi Kupu, inahoki ko te mana whakatu kei te Kawana.
3.	Mo runga i te tikanga kia noho he Maori ki roto ki nga Runanga tekaumarua (Huuri) e whakaaro ana te Komiti kei "Te Ture mo nga Huuri, 1868," tetahi mana mo te ahua o taua mea inaianei.

Ko taua tikanga kahore ano i whakaotia tuturutia a kahore e taea te whakaoti engari ma te Kawana i runga i te mana kua hoatu ki a ia e taua Ture e hanga i etahi tikanga whakahaere.

E mea ana te Komiti he mea tika kia whakahaeretia te mana e tau ana ki te Kawana i runga i taua Ture kia ahei ai te whakauru i nga Maori ki nga Runanga tekaumarua (Huuri) mo nga ahua whakawa e whakahuatia ana e te Ture e uru ai ratou.