Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Taite, te 5 o Oketopa, 1899

Taite, te 5 o Oketopa, 1899.

No te hawhe-paahi i te rua karaka ka noho Tumuaki ki runga ki tona nohoanga.

Ka karakia te Whare.

Pire Whakahaere I Nga Whenua Maori.

Te Hetana (Right Hon. Mr. Seddon, Minita Maori.)—Ka motini au kia whakaaeti kia whakaurua tenei Pire ki te Whare.

Te Hatihana (Mr. G. Hutchison, (mema mo Patea.)—Kaore au e whakaae kia whakaurua mai tenei Pire i tenei wa, i te mea kua tata rawa te mutu o te Paremete.…

Tenei ano te roanga atu o nga korero, me titiro i Hansard, te mutunga iho whakaaetia ana te Pire kia uru ki te Whare.

page 79

Katahi ka tahuri te Whare ki etahi atu mahi, haere tonu te mahi, a no te rua tekau meneti ki te wha karaka i te atatu ka hiki te Whare.

No te Turei, te 10 o nga ra o Oketopa, ka panuitia tuaruatia te Pire, a motinitia ano e te Pirimia kia tukua atu ki te Komiti mo nga Mea Maori, kia whiriwhiria a kia whakatikatikaina e taua Komiti.

Whakaaetia ana e te Whare.

No te Wenerei, te 18 o nga ra o Oketopa, ka whakahokia mai te Pire ki te Whare e te Komiti mo nga Mea Maori; na te Tiamana o taua Komiti, na Te Auhana (Mr. Houston) i motini kia whakaaetia te Pire kia paahi me nga menemana a te Komiti i whakaura ai ki taua Pire.

Whakaaetia ana te motini.

No te meatanga kia whakaaetia kia uru te Pire ki te Komiti o te Whare katoa, kia komititia ai, ka tu a—

Te Hatihana (Mr. G. Hutchison, mema mo Patea) ki te whakahe, i te mea kua tata rawa te mutu o te Paremete, e kore e whai taima hei ata mahinga i te Pire.

Te Hetana (Right Hon. Mr.. Seddon, Minita Maori.)—He tautoko taku i te Pire, ara, he mea atu kia tukua kia komititia. Kua ata whiriwhiria te Pire e nga mema Maori ratou tahi ko te Komiti mo nga Mea Maori. Kua roa tenei Pire e takoto ana i te aroaro o te Whare, i tenei tau me tera tau hoki.

Ka mutu ia ka tu ake etahi atu mema ki te whakahe, ara, ki te kati i te Pire.

Katahi ka tukuna ki te pooti. Waahi ana te Whare.

I te Ae, 28.

  • Cadman
  • Carroll
  • Carson
  • Duncan
  • Gilfedder
  • Gninness
  • Hall-Jones
  • Heke
  • Holland
  • Houston
  • Kaihau
  • Lang
  • Lawry
  • McGowan
  • McKenzie, R.
  • McLean
  • McNab
  • Mills
  • Montgomery
  • Morrison
  • O'Regan
  • Parata
  • Pere
  • Seddon
  • Stevens
  • Tanner.
  • Kai-tatau.
  • Flatman
  • Hogg.

I te No, 14.

  • Brown
  • Buchanan
  • Hemes
  • Hunter
  • Hutchison, G.
  • Lethbridge
  • Lewis
  • Monk
  • Moore
  • Rawlins
  • Rolleston
  • Smith.
  • Kai-tatau.
  • Allen, J.
  • Pirani.

Te Putanga, 14.

Heoi hinga ana nga kai-whakahe, a whakaaetia ana te motini, a tukuna ana te Pire kia komititia a tetahi ra.

Haere tonu te mahi a te Whare i etahi atu mea, a no te rua tekau meneti ki te toru karaka i te po ka hiki te Whare.