No te hawhe-paahi i te rua karaka ka noho te Tumuaki ki runga ki tona nohoauga.

Ka karakia te Whare.

Ka panuitia tuatahitia tetahi Pire.

Ka panuitia tuatorutia tetahi atu Pire.

Ka tahuri te Whare ki te whakahaere i nga patai.

Te ripoata mo nga whenua maori i hoatu i mua hei rahtu awhina i nga tikanga kura ako tamariki, me nga hahi karakia.

Te Mete (Mr. G. J. Smith, mema mo Christchurch).—Ka patai ahau, Mehemea ka perehitia tenei ripoata e te Kawanatanga hei maramatanga mo nga mema o tenei Whare?

Te Hetana (Right Hon. Mr. Seddon, Pirimia).—Kua whakahaua e ahau, i mua ake nei, kia perehitia te Ripoata a nga Komihana o te tau 1879, tae noa ki nga korero a nga kai-korero, a tera e tuhaina ki nga mema honore. He tino uaua rawa kia tahuri nga mema ki te rapu i taua ripoata i roto i nga pukapuka o te Whare, kia ata marama ai ratou ki te whiriwhiri tika i taua take, no reira e mea ana ahau kia perehitia katoatia taua ripoata me nga korero a nga kai-korero.

Nga Whenua Maori O Waihou.

Meiha Tuari (Major Steward, mema mo Waitaki).—E patai ana ahau ki te Kawanatanga, Mo awhea ka whakatakotoria mai ki runga ki te tepu te ritana i whakahaua nei i te 12 o nga ra o tenei marama, he nama 3 te nama i runga i te Ota Pepa o taua ra, mo te whakatautaunga o nga whenua Maori i roto i Rahui Nama 891, Waihou?

Te Hetana (Right Hon. Mr. Seddon, Pirimia). Maku e tono atu ki te Tari Maori kia whakaaturia mai te take o te roa. Ki taku mahara kei te mahia pea.

Ka haere tonu te mahi a te Whare i etahi atu patai a mutu noa.

Katahi-ka tahuri ki te whakahaere i nga Pire. E wha nga Pire i oti i tenei ra.

No te tekau ma whitu meneti te paahitanga o te tekau ma rua o nga haora i te po ka hiki te Whare.