No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Ka whakahaerea ko nga motini.

Nga Whenua Maori Kua Riro i Te Hoko a Te Kawanatanga.

I runga i te motini a Te Makarini (Mr. McLean), whakahaua ana, Kia whakatakotoria ki te aroaro o te Whare tetahi ritana hei whakaatu,—(1) I te rahi o nga eka whenua kua hokona e te Kawanatanga i nga Maori, timata i te 1 o Mei, 1893, tae noa ki te page 1931 o Tihema, 1897; (2) e whia nga moni i utua ai aua whenua; a (3) e whia nga eka o aua whenua kua oti te whakanohonoho ki te Pakeha.

Nga Maori Me Nga Hawhekaihe Kore Whenua.

I runga i te motini a Tame Parata, whakahaua ana kia whakatakotoria ki te aroaro o te Whare tetahi ritana hei whakaatu,—(1) I te maha o nga whanau Maori me nga whanau hawhe-kaihe kua oti te whakanohonoho ki runga ki nga whenua i Tautuku-ki-te-Raki, Tautuku-ki-te-Tonga, Rotapa-i-Rakiura (Lord's River), me Waiau, kei Otakou me Murihiku enei wahi ara, ko nga whenua i wehea mo nga Maori me nga hawhe-kaihe o Te Waipounamu me Ra[gap — reason: damage]iura; (2) e whia nga whanau kaore ano i whakawhiwhia ki te whenua; a (3) e whia nga eka e rite ai te whakawhiwhi i aua whanau kaore nei ano i rato i te whenua.

Haere tonu te mahi a te Whare i tetahi atu motini, katahi ka tahuri ki nga Pire a weherua atu.

No te toru tekau ma whitu meneti te paahitanga o te rua karaka i te po ka hiki te Whare.