No te hawke-paahi i te rua karaka ka noho te Tumuaki ki runga ki tona nohoanga.

page 16

Ka karakia te Whare.

Ka pauuitia tuatahitia etahi Pire, ka mutu era ka tahuri te Whare ki te whakahaere i nga patai.

Nga Motu O Rarotonga.

Te Kere (Mr. Kelly, mema mo Invercargill).—Ka patai ahau ki te Pirimia, A hea puta ai te ropoata a te Tumuaki Kai-whakawa o te Hupirimi Kooti i tuhituhi ai mo te raruraru i puta nei ki nga Motu o Rarotonga?

Te Hetana (Right Hon. Mr. Seddon, Pirimia).—Kua takoto noa atu taua ripoata ki runga ki te teepu o te Whare, a ki te tirohia e te mema honore tana paaki takotoranga pukapuka tera e kitea e ia te: kape o taua ripoata i reira.

Whenua Mo Te Kura Maori I Motueka.

Tame Parata (mema Maori mo Te Waipounamu).—Ka patai ahau ki te Minita Maori, Mehemea tera e whakaurua e te Kawanatanga he Pire i tenei tuunga o te Paremete hei whakahaere i nga whenua i Whakarewa, Motueka, e tata ana ki Whakatu, i hoatu nei e nga Maori i nga tau timatanga o tenei koroni ki te Hahi o Ingarangi e noho nei i Niu Tireni, hei tautoko i nga kura ako i nga tamariki Maori.

Te Hetana (Right Hon. Mr. Seddon, Minita mo nga Mea Maori).—Ko te Rahui i Motueka tetahi o nga rahui i whakahuatia e au i roto i taku whai-korero i Papawai. Ko toku whakaaro mo enei whenua nunui i hoatu nei e nga Maori i nga tau timatanga o te koroni hei akonga i nga tamariki, me whakahaere e tatou he ture mo aua tu whenua. E kore e taea i naianei e nga kaitiaki o aua whenua te whakatutuki o nga tikanga i tukua atu ai aua whenua ki a ratou; a i te mea e whai take ana te Kawanatanga ki runga ki nga tikanga e pa ana ki aua whenua, kaati, e tika ana te Kawanatanga kia tiaki tonu i aua mea. Ko toku hiahia kia tere tonu te takoto atu o tetahi Pire mo aua whenua ki te aroaro o te Whare.

Te Piukanana (Mr. Buchanan, mema mo Wairarapa).—Ka uru ranei te Pire e korero na koe i tenei tuunga o te Paremete.

Te Hetana (Right Hon. Mr. Seddon).—Ae.

Ka mutu nga patai ka haere tonu nga mahi a te Whare.

No te weherua i te po ka hiki.