Pire Penihana Mo Nga Kaumatua.

Te mutunga o te motini mo Hone Heke ka tahuri te Whare ki te whakaotioti i te komititanga o tenei Pire. Mahi tonu a oti noa.

No te hawhe-paahi i te whitu karaka i te ahiahi ka takoto te motini a te Pirimia kia panuitia tuatorutia te Pire.

He roa te Pirimia e whai-korero ana mo tenei Pire i kokiritia nei e raua ko tona Kawanatanga ki te Whare. He kaha rawa ana korero tautoko i te Pire. Ka mutu ia ka tu ake ko Kapene Rahera, te kai-arahi i te Apitihana, he whakahe tana i te Pire. He roa he kaha hoki ana korero mo ana take whakahe i te Pire. He maha nga mema i korero i te panuitanga tuatoru o te Pire.

Katahi ka tukuna ki te pooti, koia tenei te rarangi o nga pooti.

I te Ae, 25.

• Allen, E. G.
• Cadman
• Carroll
• Fisher
• Gilfedder
• Hall-Jones
• Joyce
• Kaihau
• Lawry
• MeGowan
• McKenzie, R.
• Millar
• Mills
• Morrison
• O'Regan
• Parata
• Pere
• Seddon
• Steward
• Symes
• Tanner
• Thompson, T.
• Ward.
• Kai-tatuu.
• Flatman
• Holland.

I te No, 15.

• Allen, J.
• Bollard
• Brown
• Carncross
• Crowther
• Herries
• Hunter
• Lang
• McLean
• Monk
• Rolleston
• Sligo
• Thomson, J. W.
• Kai-tatau.
• Mackenzie, M.
• Massey.

Nga Pea.

• Tautoko.
• Carson
• Duncan
• Field
• Graham
• Guinness
• Hogg
• Houston
• Hutcheson, J.
• McKenzie, J.
• Meredith
• O'Meara
• Smith
• Stevens
• Taylor
• Wilson.
• Turaki.
• Moore
• Buchanan
• Hutchison, G.
• Larnach
• Russell
• Fraser
• McGuire
• Wason
• Wright
• Thompson, R.
• Pirani
• Lewis
• Lethbridge
• McNab
• Duthie.

Te putanga, 10.

Heoi puta ana te panuitanga tuatoru o tenei Pire a te Kawanatanga, a hinga ana ta te Apitihana i tohe ai kia kaua te Pire e paahitia.

I tautoko katoa nga mema Maori i tenei Pire.

Ko tenei e whai ake nei ta Henare Kaihau menemana i mea ai ki te whakauru ki te Pire i te wa e komititia ana, engari nana ano i unu i runga i te whakamarama a te Pirimia, ara, koia tenei taua menemana.

"Me pa nga tikanga o tenei Ture kt nga Maori katoa: Mehemea ia, a te uiuinga o te kereme penihana a tetahi Maori ka awhinatia ana korero hei whakaatu i te tuturutanga o ona tau e tetahi tiwhikete i hainatia e tetahi Ateha Maori, Minita Karakia Maori, Komihana Maori ranei, e ki ana e tino mohio pono ana ia kua eke nga tau o te kai-kereme ki nga tau e kiia ana e tenei Ture.

"I te whikanga o te wariu o nga painga e hua ana ki tetahi Maori i te tau, o te wariu ranei o te huihuinga o nga rawa katoa, kaua e huia atu ki nga paanga whenua e puritia ana e taua kai-kereme ona paanga i raro i nga ritenga o te Ture o nga Whenua Ngawha, ona paanga ranei ki te takiwa o te Rohe Potae, etahi atu paanga whenua ranei ona e puritia ana e ia i raro i tetahi tikanga here, tetahi whenua ranei kaore ano i whakawakia i whakataua ranei nga paanga o ia tangata i roto i taua whenua, tetahi whenua ranei kei roto i nga Whenua Rahui o te Tai Hauauru, haunga ia te hea o taua kai-kereme Maori ki nga moni reti e puta ana i tetahi rahui pera."

Te mutunga o tenei Pire nuku ana te Whare.

No te rua tekau meneti ki te toru karaka i te po ka hiki te Whare.