No te hawhe-paahi i te rua karaka ka noho te Tumuaki ki runga ki tona nohoanga.

Ka karakia te Whare.

Te Raiti Honore Ta Hori Kerei.

Te Hetana (Right Hon. Mr. Seddon, Pirimia).—E te Pika, no tenei ra ka pa te mamae me te pouri ki nga iwi katoa puta noa i Ingarangi tae atu ki nga whenua katoa i raro i tona mana me ona koroni katoa, te take kua tae mai te rongo kua wehe atu i a tatou tetahi tangata ingoa nui, ara, a Ta Hori Kerei, P.C., K.C.B. Kaore e tere te wareware o Niu Tireni, o Atareiria, o Te Keepa-ki-Awherika, me era atu whenaa ki nga mahi nunui i mahia e Ta Hori Kerei mo enei whenua i a ia e tu ana hei Kawana mo reira.

Katahi ka korerotia e te Pirimia nga mahi katoa a Kerei i mahi ai mo tenei koroni me nga iwi Maori o konei, me ana mahi hoki i whakahaere ai mo etahi atu whenua. He roa nga korero, engari e mararaa ai me titiro i nga pukapuka reo Pakeha o te Paremete.

Ka mutu ta te Pirimia, ka tu ake ko Kapene Rahera (Captain Russell), Te Makenehi (Mr. M. J. S. Mackenzie), page 40Te Horana (Mr. Holland), me Tinai Kara (Hon. Mr. Carroll), katoa enei he tautoko anake i nga korero a te Pirimia, he mihi, he tangi, ki te tangata ingoa nui kua wehe atu nei i a tatou.

Na Te Hetana te motini kia nuku te Whare i tenei ra, hei tohu mo te nui o te whakaaro o nga iwi e noho nei i Niu Tireni ki a Ta Hori Kerei.

Heoi whakaaetia ana te motini.

No te rua tekau ma rima meneti te paahitanga o te toru karaka i te ahiahi ka hiki te Whare.