Taite, te 16 o Tihma, 1897.

H. K. Taiaroa.—E pouri ana ahau moka i whakapau i te talma o te Kaunihera inanahi, he ohorere noku he riri puku oka i te rongonga atu e whakahetia ana nga kupa me nga whakaaetanga a nga tangata na ratou nei i whakahaere taua hoko. Me mahara mai ano nga mema kua toru whakatupuranga o matou e tono ana kia whakamana mai nga kupu whakaae i whakapuakina mai ki a matou mo te taha ki te iwi o Ingarani, e maharatia nei ko ratou te tino iwi rangatira o te ao, e rongona nuitia ana tona aroha me tona mahi tika. Kati pea me tono atu au ki a te Kere kia whakaae mai ia kia whakaurua tenei kupu ki roto ki tana motini, kia whakaarohia e te Kawanatanga i runga i te ngakau hiahia ki te whakamana.