Te huihuinga tuatahi o te tekau ma toru o nga Paremete o Niu Tireni i whakatuwheratia i tenei ra e te Kaiwhakakapi mo te Kawana, pai ana ia ki te whakapuaki i enei kupu.

Whaikorero.
E nga Rangatira Honore o te Kaunihera me nga Rangatira o te Runanga Nui,—

Ka nui toku koa i au kua karanga nei i te Paremete kia huihui mai kia ahei ai koutou ki te whakarite tikanga kia tae atu ai he kaiwhakarite mo tenei koroni ki te hakari ka tu nei ki Ranana hei whakahonore mo te taenga ki te ono tekau tau tuturu o te Kuinitanga roa whaihua painga mo te katoa o to tatou Kuini atawhai.

Kua tae mai he tono ki Niu Tireni pera ano me nga tono kua tae ki era atu wahi o te ao e tau ana ki raro ki te mana o te Rangatiratanga o Ingarani kia tae ata he kaiwhakarite mo tenei koroni ki Ingarani ki tenei hakari whakaharinga o te iwi, ko nga kaiwhakarite mo tenei koroni ka ata whaitia ka whakahonoretia e te Kawanatanga o Ingarani ina tae atu ki reira. Ka tukuna atu ki a koutou te pukapuka tono i tuhia mai e te Kawanatanga o Ingarani.

Ka tonoa atu ki nga whare e rua o te Paremete kia tuku pukapuka whakahonore atu ki to tatou Kuini atawhai.

Ko to tatou Kawana a Ara Karatiko i haere atu i Niu Tireni nei i Pepuere kua hori ake nei, haere atu ia me te haere tahi o te aroha atu o nga iwi katoa o te koroni nei. No te rironga atu o to tatou Kawana ka tu ko au hei kaiwhakakapi mo te Kawana, a ko te wha tenei o nga Paremete i tau ai ma te Kaiwhakakapi o te Kawana e whakapuaki he whaikorero whakatuwheratanga Paremete.

Kua tae mai nga pukapuka whakaatu mai kua whakaturia ko te Ara o Ranapare hei Kawana mo Niu Tireni. E kore e roa ka tae mai to tatou Kawana hou, a ka powhiria mai ka whakahonoretia i te mea e tu ana ia hei Kaiwhakarite mo to tatou Kuini atawhai.

E nga Rangatira o te Runanga Nui,—

I runga i tona tikanga ano kua waiho mo Hune ra ano e huihui ai te Paremete, a kei te mohio ano koutou kua whakaritea nga moni whakahaere mo te koroni tae noa ki nga ra whakamutunga o Hune. Ka tonoa atu ki a koutou kia whakaritea ano nga moni whakahaere page 2mo tetahi atu wa kia roa atu i runga i ta koutou i kite ai he mea tika. Ka whakaaturia atu ki a koutou nga pukapuka whakaatu atu i nga rarangi moni o te koroni.

E nga Rangatira Honore o te Kauninhera me nga Rangatira o te Runanga Nui,—

Kaore aku Kaiwhakahaere i te whakaaro kia mania he Ture i tenei huihuinga o te Paremete, engari ano ko nga Ture e tika ana hei whakamana i te hiahia o te iwi o Niu Tireni kia tae he kaiwhakarite mo tenei koroni ki te hakari whakahonore mo te tutukitanga ki te ono tekau tau o te Kuinitanga o to tatou Kuini Atawhai.

Engari na runga i te ahua he o nga tikanga o te ture e pa ana ki te whakaritenga Tumuaki mo te Kaunihera, kua mahia he Pire mo tera a ka tukuna atu kia whiriwhiria e koutou.

E hiahia ana au kia tau te atawhai a te Atua, kia whakanuia te kororia o te Rangatiratanga o Ingarani, kia tupu te ingoa o nga koroni, i runga i te huihuinga o nga raugatira whakahaere Kawanatanga o nga koroni, kua tonoa mai ail kia haere atu ki te hakari whakaharinga o nga iwi, i te mea kua tupono nei ki te ono tekau tau tuturu o te Kuinitanga o Kuini Wikitoria, kia ata whiriwhiria hoki e ratou nga putake whaitikanga e pa ana ki Ingarani me ona. koroni i nga wahi katoa o te ao.