Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Turei, te 7 o Hurae, 1896

Turei, te 7 o Hurae, 1896.

No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea ko etahi Pire me nga patai ka tae ki te ui a Heke mo:—

Nga Rima-Pai-Heneti O Wairarapa.

Ko Hone Heke.—Ka patai ahau ki te Minita mo nga Mea Maori, He aha te take i kore ai te Kawanatanga e whakaae ki te whakarite i te Motini No. 7 o te Ota Pepa No. 12, o te Paraire, 3 o Hurae, 1896? Ko te putake mai i uia ai tenei patai he mea tawhito, ara, no te tau 1850 ra ano. No aua tau ka hokona e nga Maori o Wairarapa etahi o ratou whenua ki te Karauna, a ko tetahi o nga tikanga i whakaaetia e nga taha e rua i taua wa, koia tenei, ara, ina maketeria atu aua whenua e te Karauna ki te tangata, kia rima pauna moni, i roto i te rau pauna moni e puta mai ana i aua whenua, e utua ki nga Maori. A he ui atu taku kei te pehea aua moni, timata i te tau 1873 tae noa mai ki naianei. No taua tau hold, ara, no te 1873, i mutu ai te whakaatu atu mai a te Kawanatanga ki tenei Whare i nga kaute o aua moni.

Ko Te Hetana (Hon. Mr. Seddon).—Ki te titiro nga raema honore ki Motini No. 11 o te Ota Pepa o tenei ra ka kite ratou i te mea e patairia nei e te mema honore. Ko nga tangata e matau ana ki te nui o nga mahi kua mahia mo aua whenua kaore e kore te whakaae, koia ano, he nui rawa te mahi e oti ai te ritana e tonoa nei e te mema honore, ara, tera e ki tonu ake tetahi puru–puka i nga kaute o nga moni mo aua whenua. He uaua rawa te mea e tonoa nei e te mema honore, a he mahi nui rawa e taea ai. Koia tena te ahua o aua moni, ko tena kua whakaaturia na e ahau. Ki te whakaae te mema honore ki te whakaiti iho i tana e tono nei, kia iti ai hoki nga moni e pau i te mahinga i nga pukapuka, tera e taea. Kaore ahau i te hiahia ki te huna, ki te pupuri ranei, i nga kaute o nga moni o aua whenua. Ki taku me whakaatu katoa aua mea ki nga Maori, ma tera hoki ka marama nga Maori ki te tika o nga mahi a te Kawanatanga.

Ka mutu nga patai ka mahi tonu te Whare, a no te hawhe paahi o te rua karaka i te po ka hiki te Whare.