Nga Maori O Arahura.

Ko Tame Parata.—Ka patai ahau ki te Minita mo te taha Maori, Mehemea ranei kua utua katoa nga moni ki nga Maori o Arahura i raro i "Te Ture Whakatikatika i te Ture Rahui Whenua Maori o Westland me Nelson, 1895"?

Ko Te Hetana (Hon. Mr. Seddon).—Ko te utu mo tenei patai, koia tenei, kaore ano. Otira kua rite katoa nga tikanga e taea ai te tuha o aua moni, heoi te mea kei te toe ko te whakatau i nga hea o ia tangata i roto i aua whenua e te Kooti Whenua Maori. Ko aua whenua kei te aroaro o te Kooti Whenua Maori e takoto ana i naianei, engari ko toku hiahia me tere te oti kia hohoro ai hoki te tuha o nga moni, notemea e mohio ana ahau kei te mate rawa atu etahi o nga tangata ma ratou aua moni.