No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea te panuitanga tuatahi o etahi Pire. Ka mutu era ka tahuri te Whare ki te whakatu i nga Komiti mo etahi o nga mahi a te Whare, ara, ka whakaturia he Komiti mo nga Whenua o te Karauna, he Komiti ano mo nga Mahi Maina me nga mahi Kari Koura, he Komiti ano mo nga Pitihana a te iwi katoa, a he Komiti ano mo etahi atu mea maha, ka tae ki.

Te Komiti Mo Nga Mea Maori.

Koia tenei nga tangata i whakaturia hei mema mo tenei Komiti. Ko Patene (Mr. Button), Te Karimana (Hon. Mr. Cadman), Te Kanaera (Mr. Carnell), Timi Kara (Hon. Mr. Carroll), Hone Heke, Te Hutana (Mr. Houston), Wiremu Kere (Mr. W. Kelly), Te Miterehana (Hon. Mr. Mitchelson), Tame Parata, Wi Pere, Kapene Rahera (Hon. Captain Russell), Te Tiwini (Mr. Stevens), Ta Ropata Taute (Sir Robert Stout), Ropata Te Ao, me Te Hetana (Hon. Mr. Seddon).

Ka mutu te whakatu o nga Komiti katoa, ka haere tonu te mahi a te Whare.

No te rua tekau meneti te paahitanga o te tekau ma rua o nga haora i te po ka hiki te Whare.