Nga Korero Paremete: 1896-1899
Pire Mo Nga Mataitai O Te Moana
Pire Mo Nga Mataitai O Te Moana.
No tenei ra ka korerotia te panuitanga tuarua o tenei Pire. Na Te Hooro-Teone (Hon. Mr. Hall-Jones), te Minita mo nga Mahi Nunui, i timita te korero.
Ka mutu ia ka tu ake ko Hone Heke me etahi atu mema Pakeha tokorua. Poto nei te korerotanga o te Pire. Heoi paahitia ana te panuitanga tuarua o te Pire.
No te koata ki te tahi karaka i te po ka hiki te Whare.