Pire Tuku Moni Kawanatanga Ki Nga Kai-Mahi Paamu.

Ko Te Makenehi (Hon. Mr. J. McKenzie).—E te Pika, kua tirohia e au nga menemana i whakaurua e te Kaunihera ki tenei Pire, a he mea atu taku ki te Whare nei kia kaua e wkakaaetia aua menemana. Ina hoki e whakahe ana ahau i te patunga a te Kaunihera i nga tekiona 6, 7, 8, me 9. Ko tetahi o nga mea i patua e te Whare o Runga ko tekiona 12. Ko te tekiona tenei a te mema Maori mo te Tai Tokerau, ara, a Hone Heke, i whakauru ai ki roto i taua Pire i te wa i mahia ai i roto i te Komiti nui o te Whare o Raro, a paahi ana i reira, a no te taenga ki te Whare o Runga ka patua tahitia me nga tekiona nama 6, 7, 8, me 9 kua whakaaturia ake nei e ahau. Na reira ka tono ahau ki te Whare nei kia kaua e whakaaetia e tatou te patunga a te Whare o Runga i nga tekiona nama 6, 7, 8, me 9, haunga ia a tekiona nama 12, me tuku atu tera kia patua, a me whakatu ko Te Kanaka (Mr. Larnach), ko Te Takana (Mr. Duncan), me ahau hei kai-whakahaere ma te Whare, ara, hei whakahoki atu i te Pire nei ki te Whare o Runga, ki reira hurihuri ai matou me nga kai-whakahaere a te Whare o Runga mo nga tekiona kua whakahuatia ake nei e au.

Ko Hone Heke.—Ki taku whakaaro me whakauru ano hoki e te Minita taku tekiona 12 i patua nei e te Whare o Runga. Ka motini ahau kia patua nga kupu "haunga ia te tekiona nama 12."

Waahi ana te Whare, a koia tenei te pootitanga.

I te Ae, 36.

• Cadman
• Carncross
• Carnell
• Carroll
• Flatman
• Graham
• Hall
• Hall-Jones
• Hogg
• Joyce
• Larnach
• Lawry
• Mackintosh
• Maslin
• McGowan
• McKenzie, J.
• McKenzie, R.
• McNab
• Meredith
• Millar
• Mills
• Montgomery
• Morrison
• O'Regan
• Parata
• Pera
• Pinkerton
• Seddon
• Steward
• Tanner
• Te Ao
• Thompson T.
• Ward
• Willis.
• Kai-tatau.
• Buddo
• Houston.

I te Noo, 18.

• Buchanan
• Button
• Collins
• Crowther
• Earnshaw
• Hutchison, G.
• Kelly, J. W.
• Lang
• Lewis
• Massey
• McGuire
• McLachlan Heke
• Mitchelson
• Russell, G. W.
• Russell, W. R.
• Thompson, R.
• Kai-tatau.
• Newman

Te putanga o te hunga turaki, 18.

Heoi hinga ana te motini a Hone Heke, a kore ana e uru tana rarangi ki te Pire.

Katahi ka haere tonu te mahi a te Whare i etahi atu mea.

No te rua tekau meneti te paahitanga o te tekau ma rua o nga haora i te weherua ka hiki te Whare.