No te hawhe-paahi i te rua karaka ka noho te Tepute-Pika ki runga ki tona nohoanga.

Ka mutu te karakia.

Ka panuitia tuatahitia tetahi Pire, kua tae ki nga motini. Ka rua nga motini ka oti kua taea ki te—

Motini Mo Nga Penihana Aori.

I runga i te motini a Tame Parata, whakahaua ana, Me whakatakoto ki te aroaro o tenei Whare tetahi ritana hei whakaatu i nga ingoa o nga Maori katoa e noho ana i Te Waipounamu me Rakiura, a e tango penihana ana i te Kawanatanga, me te ata whakaatu atu ano i roto i te ritana, e hia nga moni penihana e hoatu ana i ia tau i ia tau ma ia taugata ma ia tangata.

Ka mutu tera ka haere tonu nga motini me nga patai, ka tae ki te patai mo—

Hirini Te Kani.

Ko Ropata Te Ao (mo Wi Pere).—Ka patai ahau ki te Kawanatanga, Mehemea ranei ka whakaae ratou ki te whakaara i tetahi kohatu whakamaharatanga mo Hirini Te Kani, kua mate ake nei, i te mea koia tetahi o nga tino rangatira nunui o te Tai Rawhiti i piri pono ki a te Kuini?

Ko Te Hetana (Hon. Mr. Seddon).—Kaore ano ahau i whakawhiwhia ki nga korero mo tenei tangata e ahei ai ahau ki te whakautu atu i te patai i naianei. Otira kei te uiuia i naianei te ahua me te tu o taua rangatira o Hirini Te Kani, a, kia tae mai nga whakaatu atu mo aua uiuinga, katahi ra ano ahau ka kaha ki te whakatau i taku whakahoki mo te patai.

Te Rori Atu I Otakou Ki Portobello.

Ko Tame Parata.—Ka patai ahau ki te Minita ino nga Mahi Nunui o te Koroni, Mehemea ranei kua tae mai ki a ia te ripoata, a te Kai-ruri mo te Takiwa, mo runga i te rori atu i Otakou ki Portobello, i mahia nei e nga herehere; a mehemea kua tae atu ki a ia taua ripoata, ka whakaae ranei ia ki te whakarite i tetahi moni hei whakapai i nga wahi kino o taua rori?

Ko Hooro-Teone (Hon. Mr. Hall - Jones).—He tika, kua whakaaturia te kino o taua rori ki te Kawanatanga. Kua uiuia taua mea, a kua kitea ka nui te kino o taua rori. Ko tenei, ka whakahaua e te Kawanatanga ana tangata e tika ana mo taua mahi kia tahuri ki te whakapai i taua rori.

Rahui Maori I Arowhenua.

Ko Tame Parata.—Ka patai ahau ki te Minita mo nga Mahi Nunui a te Koroni, Mehemea ka ata whakaritea e ia tetahi moni ki roto i nga rarangi moni ka whakapaua i te tan e haere ake riei, hei mahi a hei whakapai hoki i nga rori e haere nei ma runga i nga whenua Rahui o nga Maori i Arowhenua?

Ko Te Makenehi (Hon. Mr. J. McKenzie).—Kua tae mai nga whakaatu ki tona Tari mo te kore rori o te takiwa i whakahuatia ake nei. Engari ka uiuia ano taua mea, a ki te kitea he mea tika kia mahia he rori ki taua wahi, tera e maharatia taua mea ina whakaritea nga moni mo nga mahi nunui mo te tau e haere ake nei.

Tamariki Maori Kore Whenua.

Ko Tame Parata.—Ka patai ahau ki te Minita mo nga Whenua, Mehemea km whiriwhiria e raua ko te Tumuaki Kai-ruri tetahi huarahi e taea ai te whakawhiwhi ki te whenua nga tamariki Maori o Te Waipounamu me Rakiura i whanau i muri mai o te putanga o te ripoata a Tiati Make i te tau 1890?

Ko Te Makenehi (Hon. Mr. J. McKenzie).—Kua oti te whakatau i mua ake nei me ngata nga hiahia o nga Maori kore whenua o Te Waipounamu me Rakiura i nga whenua kua hoatu nei e te Kawanatanga mo ratou. Kua uiuia e au te tikanga o tenei patai, a kua whakaaturia mai tera e rato aua tamariki kore whenua ki te hoatu kia kotahi mano eka. Mehemea he tika tera, a ki te kitea tetahi piihi whenua watea, ka whakahaua e ahau te Tumuaki Kai-ruri kia whakaritea e ia he whenua mo aua tamariki.

Ka mutu enei patai me etahi atu hoki, ka haere tonu te mahi a te Whare.

No te hawhe-paahi i te tekau ma rua o nga haora i te weherua ka hiki te Whare.