Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Motini Turaki I Te Kawanatanga

Motini Turaki I Te Kawanatanga.

Na Kapene Rahera (Hon. Captain Russell), te kai-arahi i te Apitihana, i timata te korero. He roa ana korero. He whakaatu atu haere i nga he o te Kawanatanga, e ai ki tana, e tika ai kia turakina atu nga Minita, a kia whakaarahia mai he Kawanatanga hou. Ka mutu ia.

Ko Te Hetana (Hon. Mr. Seddon).—Ka tu atu ki te whakahoki i nga korero a te kai-arahi i te Apitihana. Ka whakaatu atu ki te Whare i nga take e kore ai e tika kia hinga tona Kawanatanga. Kotahi haora ia e korero ana.

Ka mutu ia ka tu atu ko Takuta Numana (Dr. Newman), ko Te Hoka (Mr. Hogg), ko Ta Ropata Taute (Sir Robert Stout), ko Te Morihana (Mr. Morrison), ko Te Piukanana (Mr. Buchanan), me etahi atu.

No te hawhe-paahi i te tekau ma rua o nga haora i te po ka hiki te Whare.

No ao ake i te Taite, i te hawhepaahi i te rua karaka, ka timata ano te korero mo taua motini turaki; maro tonu te korero a tata noa ki te tahi karaka i te po ka hiki te Whare.

No te Paraire, i te hawhe-paahi i te rua karaka, ka timata ano te korero mo te motini a te kai-arahi i te Apitihana. He maha nga mema i korero i tenei ra a hui atu ki nga mema i korero i mua atu, tera e nuku atu i te toru tekau nga page 43mea i whai-korero. No te tahi karaka i to po ka hiki te Whare.

No te Turei, te wha o nga ra o Akuhata, i te hawhe-paahi i te rua karaka, ka huihui ano te Whare, a ka turia ano te riri mo te motini turaki i te Kawanatanga.

Maro tonu te korero a taea noatia te weherua i te po, no taua taima ka hiki te Whare.