Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1896-1899

Turei, te 28 o Hurae, 1896

Turei, te 28 o Hurae, 1896.

No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea te panuitanga tuatahi o tetahi Pire me nga patai me etahi atu mea.

Ka mutu era ka tu ake te kai-arahi i te Api tihana ki te whakaatu ka kokiritia e ia he—

Motini Turaki I Te Kawanatanga.

Ko Kapene Rahera (Hon. Captain Russell).—He tu ake taku ki te whakaatu ki te Whare nei kei te Paraire e haere ake nei ka whakatakotoria e au taku motini turaki i te Kawanatanga, i te mea kei te kino ta ratou whakahaere i nga mahi a te koroni.

Tenei ano te roanga atu o ana korero. Ka mutu ia—

Ko Te Hetana (Hon. Mr. Seddon), ko te Pirimia tenei o te Koroni.—Ko tana he mea atu ki te Whare, i te mea kua takoto te motini turaki a te kaiarahi i te Apitihana i te Kawanatanga, kaati, me nuku te Whare mo apopo. Kaore e pai kia mahi te Whare i tenei ra i te mea koi nei te tikanga o te Whare, ara, ki te kokiritia he motini turaki Kawanatanga me taapu nga mahi katoa a te Whare, kia tau ra ano te motini. Ki au me tu te korero mo tenei motini akuanei tonu, ara, i te hawhepaahi i te whitu karaka i te po nei, a mehemea kaore te kai-arahi i te Apitihana i te pai ki tenei, kaati, ka whaakae au mo apopo tu ai te korero. Tenei ano te roanga atu.

Te mutunga iho whakaae ana a Kapene Rahera hei apopo timata ai te korero mo tana motini.

Heoi tukuna ana te motini, "Ki a nuku te Whare ki te hawhe-paahi i te rua karaka apopo," a whakaaetia ana.

No te hawhe-paahi i te rima karaka i te ahiahi o tenei ra i hiki ai te Whare.