Paraire, te 26 o Hune, 1896.
Rahui Maori I Arahura.

H. K. Taiaroa—He patai tenei naku ki te Kawanatanga, Mehemea kua utua atu e te Kai-tiaki mo te Katoa te moni £1,593 ki nga Maori whaitake ki te Rahui o Arahura, i runga i nga tikanga o "Te Ture Whakatikatika, 1895, i Te Ture Rahui Maori o te Tai Hauauru o te Waipounamu me Whakatu"? I patai atu au i tenei patai notemea e rongo ana au ki etahi o nga Maori whaitake ki taua Rahui, kaore ano kia utua katoatia aua moni e te Kai-tiaki mo te Katoa.

Te Waaka.—Ko taku utu mo te patai mehemea ranei kua utua taua moni, me ki atu au, kaore ano kia utua. Engari kua oti nga tikanga te whakarite kia taea ai te utu atu aua moni, heoi ano te mea e toe ana hei mahi, ko te rapu i nga paanga o nga tangata whaitake ki tetahi wahi o taua poraka, a ma te Kooti Whenua Maori tera e whakatau. Kua whakaaturia atu enei take ki nga Maori no ratou taua poraka, me te ki atu ma ratou e tono ki te Kooti, a kei te tarewa ina[gap — reason: damage]anei, e tatari ana hoki kia tukuna ta ratou tono.