Wenerei, te 30 o Hepetema, 1896.
Ture Hi Ika O Te Moana.

Te Waaka.—E motini ana au kia kaua e whakaaetia nga menemana a tera Whare mo te Pire nei. Me whakamarama atu e au, ko nga kupu i whakaurua e tera Whare, e awhina ana i nga Maori mo nga tikanga e pa ana ki nga mataitai pupu. E mea ana taua rarangi ki te hiahiatia nga mataitai pupu hei kai ma nga Maori, me kaua e pa atu nga tikanga o tenei Pire, a e kape atu ana hoki i nga pipi kia kaua e pangia e nga tikanga o tenei Pire. E kore e pai kia wehea atu aua mea e kapea atu ana e aua rarangi i whakaurua nei e tera Whare, he mea tika hoki kia tiakina paitia a tatou mataitai pupu.

H. K. Taiaroa.—Kaore au i te ata marama ki te take i kore ai te Minita e whakaae ki nga menemana a tera Whare. Kei etahi kainga Maori ko nga mataitai pupu nga tino kai a nga Maori hei oranga mo ratou, o mua mai ano i o ratou matua tae mai ki tenei ra, a e mea ana te Pire nei me kaua e kohia e ratou hei hoko, engari hei kai ano ma ratou ake, no reira au i mahara ai he mea tika ano kia waiho aua kupu i roto i te Pire. E inoi aua au ki te Kaunihera kia waiho aua kupa kia man ana i roto i te Pire.

Mita Teone.—He patai atu tenei naku ki te Minita, he aha te take i kore ai te Kawanatanga i pai kia kohia e nga Maori nga pupu hei kai ma ratou.

Te Waaka.—Hei painga ano mo nga Maori me ka tiakina nga pupu, ki te kore hoki e tiakina tera pea ka kore haere nga pupu mataitai.

Kapene Morihi.—E tika ana ta Taiaroa. Kei etahi takiwa ko nga pupu ano te tino kai e ora ai nga Maori. Kua maha whakatupuranga o te Maori e kai ana i aua tu mataitai, a e tika ana kia page 20watea ano aua tu kai ki a ratou. I te mea kua whakaritea me kaua nga Maori e hoko i aua mea, ka tupato ratou kei tino kore rawa atu. Pootitia ana i runga i te motini kia kaua e whakaaetia nga menemana a te Whare Runanga Nui.

Kai-tautoko, 19.
Kai-turaki, 8.
Tu ana te motini.