No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka panuitia tuatahitia etahi Pire. Ka mutu era ka whakahaerea ko nga patai.

Nancy Thomas.

Ko Tame Parata.—Ka patai ahau ki te Minita mo nga Mea Maori, mehemea ranei kua whiriwhiria e te Kawana-page 18tanga te pitihana a Nancy Thomas, o Aparima, Riverton, i ripoataia nei e te Komiti mo nga Mea Maori i te 21 o nga ra o Akuhata o te tau kua pahemo ake nei; a mehemea kua whiriwhiria, he aha te ora e hoatu ki te kai-pitihana? Te take i hoatu ai e ahau tenei patai ki runga ki te Ota Pepa, kua tae mai he pukapuka ma te kai-pitihana ki au, he ui mai mehemea kua whiriwhiria tana pitihana e te Kawanatanga. Ko te ripoata a te Komiti mo runga i taua pitihana e penei ana me uiui e to Kawanatanga taua mea. No Akuhata o taea tau tenei ripouta, a no reira mai tae mai ki naianei kaore ano he kupu i tae atu ki te kai-pitihana, kua uiuia ranei tana pitihana e te Kawanatanga kaore ano ranei.

Ko Timi Kara (Hon. Mr. Carroll).—Kua tae te ripoata a te Komiti mo nga Mea Maori ki te Kawanatanga kia whiriwhiria. Na kua whiriwhiria taua mea, a koia tenei te otinga, e kore e taea e te Kawanatanga te whakatuwhera ano o te kereeme a te kai-pitihana i te mea kua whakaritea taua kereeme i runga i te hoatutanga o te waru tekau ma waru eka ma taua wahine.

Ko Tame Parata.—E mea ana ahau me uiui auo taua mea, i te mea he pono tonu he tika tonu te inoi a te kaipitihana. Kaore nga take o re pitihana e pa ana ki taua whenua, e takoto ke ana tera.

Ko Timi Kara (Hon. Mr. Carroll).—Kaati maku e ata uiui ano tenei mea, a mo tetahi atu rangi ka korerorero ai maua ko te mema honore.

Nga Maori O Port Levy Me Rapaki.

Ko Tama Parata.—Ka patai ahau ki te Minita mo nga Mea Maori, mehemea ranei ka whakaae te Kawanatanga ki te tuhituhi pukapuka atu kia Takuta Peamana (Dr. Pairman), he ui atu ki a ia mehemea ka whakaae ia ki te tiaki ki te rongoa hoki i nga Maori o Port Levy me Rapaki?

Ko Timi Kara (Hon. Mr. Carroll).—I tera tau i whakahaere te Kawanatanga i etahi tikanga e whiwhi ai nga Maori o Port Levy me Rapaki i tetahi takuta mo ratou. Engari ko nga moni i tonoa mo taua mahi he rahi rawa ake i nga moni e tika ana kia hoatu e te Kawanatanga. I muri i tera kaore ano he tono hon i tae mai ki te Kawanatanga. Te mea pai me huihui nga Maori o taua takiwa, a ki te oti i a ratou tetahi huarahi ma ratou e whakaatu mai ki te Kawanatanga.