Nga Maori O Little River (Wairewa).

Ko Tame Parata.—Ka patai ahau ki te Minita mo nga Mea Maori, mehemea ranei i muri iho i te whakamutunga o te mahi a te takuta mo nga Maori o Wairewa kua whakaturia he riiwhi mo taua tangata?

Ko Te Hetana (Hon. Mr. Seddon).—Kaore ano he takuta i whakaturia hei riiwhi mo Takuta Piha (Dr. Fisher) i muri iho i tana whakamutunga i tana mahi i te marama o Tihema kua taha ake nei. Kua tae mai te whakaatu ki te tari kei te whakahaere nga Pakeha me nga Maori o Little River, Wairewa, i etahi tikanga e whiwhi ai ratou i tetahi takuta mo to ratou takiwa; a ki te taea tera tikanga e aua tangata ka taea hoki te hoatu e te Kawanatanga he moni hei tautoko, ara, hei whakarahi ake, i nga moni e kohikohia ana. Me ki atu ahau i konei, otira kei te mohio te mema honore, ka nui te kaha o te Kawanatanga ki te hoatu moni hei utu takuta hei utu rongoa hoki mo nga Maori o nga Motu e rua. Engari kaore he tikanga e hoatu ai he moni pera hei awhina i nga tangata Maori whai-taonga, tena ko nga Maori rawakore, ka nui te kaha o te Kawanatanga ki te hoatu moni hei utu takuta hei utu rongoa hoki mo ratou.