Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Nga Ruri O Te Urewera

Nga Ruri O Te Urewera.

Ko Ta Ropata Taute (Sir Robert Stout).—Ka patai ahau ki te Minita mo nga Mahi Nunui o te Koroni, kei runga i te mana o te hea pooti a te Whare i whakaaetia ai kia whakapaua nga moni a te iwi katoa hei mahi i nga rori me nga ruri o te takiwa o te Urewera? I ui ano ahau i tenei patai i mua tata ake nei, engari kaore i marama te whakautu mai mo taku patai. Tenei kua perehitia nga rarangi o nga moni katoa i paahitia e te Whare i tera tau hei whakahaere i nga Mahi Nunui o te Koroni. Kua oti te whakanohonoho haere o nga nama o aua rarangi, me nga ingoa o ia rori o ia rori te page 17whakahua haere, a ko te mea e hiahia ana ahau kia mohiotia, kei te hea o aua rarangi te ingoa o nga rori o te takiwa o te Urewera e mau ana. Mehemea hoki kei roto i aua rarangi i paahitia nei e te Whare, kaati e kore te Kawanatanga e pohehe ki te wahi i noho ai taua mea.

Ko Te Makenehi (Hon. Mr. J. McKenzie).—Kei te pai noatu ahau ki te whakaatu i nga mea e tonoa nei e te mema honore. Ko Nama 69 te rarangi o nga moni i paahitia e te Whare i tera tau i whai-mana ai te mahi o aua ruri ki te takiwa o te Urewera. Ko Nama 113 te rarangi i whai-mana ai te mahi rori mo taua takiwa.