Opuatia Poraka.

Ko Meiha Harihi (Major Harris).—Ka patai ahau ki te Kawanatanga,—(1.) Mehemea ranei e mohio ana te Kawanatanga kei te riihitia e nga Maori tetahi taha o Opuatia Poraka ki etahi Pakeha? Mehemea he tika taua rongo korero, he ui atu taku mehemea ranei kua whakaae te Kawanatanga ki taua mahi? (2.) Mehemea ranei kua riro mai i te Kawanatanga tetahi taha o taua poraka i runga i te hoko, a, mehemea ae kua riro mai tetahi taha, e whia ranei mano eka? Kua tae mai te rongo kei te riihitia taua poraka nui e nga Maori ki etahi Pakeha. Ko taku hiahia kia mohio ahau mehemea he tika taua korero, a mehemea e whai-mana ana taua mahi i runga i nga tikanga o te ture, a mehemea hoki kua riro mai i te Kawanatanga tetahi taha o taua poraka.

Ko Te Makenehi (Hon. Mr. J. McKenzie).—Ko taku whakahoki mo te patai koia tenei, kaore i te mana i te ture nga whakahaere riihi a nga Pakeha mo taua poraka, a e kore hoki e whakamana e te Kooti. Ko nga eka o taua poraka kua riro mai i te Kawanatanga 10,032 eka.