Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Paraire, te 5 o Hurae, 1895

Paraire, te 5 o Hurae, 1895.

No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka panuitia tuaruatia etahi Pire. Ka whakahaerea ko nga patai.

Horowhenua Poraka.

Ko Te Ranaka (Hon. Mr. Larnach).—Ka patai ahau ki te Kawanatanga, mehemea ranei ka whakaturia he Komiti he Roiera Komihana ranei hei uiui i nga mea katoa e pa ana ki Horowhenua Poraka?

Ko Te Makenehi (Hon. Mr. J. McKenzie).—Kua hurihuria e te Kawanatanga tenei putake, a i runga i te kupu a te Pirimia i whakaputa ai i tera tau, kua whakaae te Kawanatanga ki te whakatu i tetahi Komihana hei uiui i taua mea; engari kotahi te mea kei te whakaroa, ara, ko te haringa a etahi o nga tangata e pa ana ki taua raruraru i a ratou keehi ki roto ki te Hupirimi Kooti. Otira, ko te hiahia o te Kawanatanga me tino whakarite taua kupu a te Pirimia i whakatakoto ai i tera tau.

Tongariro Paaka Mo Te Katoa.

Ko Takuta Numana (Dr. Newman).—Ka patai ahau ki te Minita mo nga Whenua, mehemea ranei kua huihui nga Kai-tiaki mo te Paaka mo te Katoa i Tongariro? Mehemea kua huihui aua Kai-tiaki, ka whakaae ranei te Minita ki te whakatakoto ki te aroaro o te whare i tenei tau i te ripoata o nga mahi i oti i aua Kai-tiaki?

Ko Te Hetana (Hon. Mr. Seddon.)—Kaore ano i huihui taua Poari; na reira kaore kau he ripoata. Kei tenei marama e haere ake nei tera pea e huihui taua hunga. Kotahi o nga mema o te Poari kei Poneke nei e noho ana, a ma te Kawanatanga ia e whakahau kia huihuia te Poari.

Motu O Hauturu.

Ko Te Tamihana (Mr. Thompson).—Ka patai ahau ki te Minita mo nga Whenua, mehemea ranei kua tae mai he kupu whakaatu ki te Kawanatanga, page 16tera etaki tangata kua tae ki te Motu o Hauturu ki te patu a ki te tihore i nga manu Maori o reira?

Ko Te Makenehi (Hon. Mr. J. McKenzie).—Katahi tonu ka tae mai he ripoata ki te Kawanatanga mo taua mahi, a ka whakahaua e te Kawanatanga kia uiuia taua mahi inaianei. Ki te kitea he tika nga korero a te mema honore, tera e whakahaerea e te Kawanatanga etahi tikanga e tino mutu ai taua tu mahi.

Taake Whenua Maori.

Ko Te Hatihana (Mr. G. Hutchison).—Ka patai ahua ki te Minita e whakakapi ana i te turanga o te Minita mo nga Moni o te Koroni, mehemea ranei i ata tonoa te taake whenua ki nga Maori no ratou nga whenua i mua atu i te tononga o aua taake ki nga tangata kai-tango i nga riihi o aua whenua?

Ko Te Hetana (Hon. Mr. Seddon).—Kei te mohio te mema honore hei mahi moumou noaiho mehemea i peratia te whakahaere. I ata perehitia ano nga panui i runga ano i nga tikanga o te ture, a i ata kahititia nga ra e tika ana hei utunga i aua moni. I tukuna he whakaatu ki etahi o nga Maori a kaore ki etahi, notemea e kore e taea e nga tari te kimi nga tangata katoa mo ratou aua tono, na reira ka perehitia i runga i nga tikanga o te ture.

Pire Taone Maori.

No tenei ra ka hoki mai te Pire mo nga Taone Maori i te Komiti mo nga Mea Maori, a tahuri ana te Whare ki te Komiti i taua Pire, a paahi ana etahi o ona tekiona i te Komiti ko etahi o nga tekiona i nukuhia mo tetahi atu ra.

No te tahi o nga haora i te po ka hiki te Whare.