Nga Korero Paramete: 1891-1895
Paraire, te 4 o Oketopa, 1895
Paraire, te 4 o Oketopa, 1895.
No te hawhe-paahi i te tekau ma rua o nga haora i te awatea ka noho te Tumuaki ki runga ki tona nohoanga.
Ka mutu te karakia.
Ka whakahaerea etahi Pire. Ka mutu era ka komititia e te Whare ko te—
Pire Taake Whenua Taake Moni Puta-A-Tau.
No te tatanga te mutu o te komititauga o te Pire ka tu atu.
Ko Hone Heke.—E te Pika, e tika ana ranei ahau ki te motini inaianei kia komititia ano a tekiona iwa o tenei Pire, he mea noku, ma tera pea e rite ai te hiahia o te nuinga o nga mema honore e mea nei kia kaua te mana o taua tekiona e hoki whakamuri ki nga tau kua pahemo ake nei.
page 53Ko Te Waari (Hon. Mr. Ward)—Kua paahitia te menemana i motinitia nei e te mema honore.
Ko Hone Heke.—Ko taku i mea ai ko te wahi o te tekiona e hoki whakamuri ana me whakakore atu.
Ko Te Tumuaki.—Me mutu tenei korero inaianei. Ko te taima tika hei motinitanga ma te mema honore i tenei mea kei te panuitanga tuatoru o te Pire.