Pire Mo Nga Katimauta Me Nga Tiute Waipiro.

Ko te aronga o tenei Pire he tuku atu i te mana ki nga Katimauta, kia ahei ai nga apiha o aua tu whare ki te kohikohi i nga moni tiute e whakaekea nei ki runga ki nga waipiro me etahi atu o nga taonga e u mai nei ki tenei koroni.

No te taenga ki te rarangi o te Pire e mea ana kia kaua nga huahua titi, e patua ana e mahia ana ki nga motu o waho atu o te koroni o Niu Tireni, e utu i nga moni tiute, kua tu atu ko—

Tame Parata.—Ka motini ahau kia patua atu taua rarangi a kia riiwhitia atu ki tenei rarangi, ara, me utu nga huahua titi katoa e tukuna mai ana e nga whenua ke ki tenei koroni i te moni tiute kia rua tekau pauna i roto i ia rau pauna moni utu mo aua huahua titi.

Ko Te Waari (Hon. Mr. Ward).—Ko te Minita tenei mo nga moni a te Koroni. Ka whakaae ahau ki tenei menemana.

Heoi paahitia ana te motini a te mema honore mo Te Waipounamu.