.gif)
Nga Korero Paramete: 1891-1895
Paraire, te 6 o Hepetema, 1895
Paraire, te 6 o Hepetema, 1895.
No te hawhe-paahi i te rua karaka page 39
ka noho te Tumuaki ki runga ki tona
nohoanga.
Ka mutu to karakia.
Ka panuitia tuatahitia nga Pire e rua a Hone Heke, ara, te Pire Mana Maori, me te Pire arai i te Hoko o Kohoao.
Ka mutu era ka whakahaerea ko te Pire mo te Peeke o Niu Tireni me etahi atu mea, ka tae ki nga patai, ka maha noatu o aua mea ka oti, ka tae ki te patai mo—
Waikopiro Poraka.
Ko Te Hooro (Mr. Hall).—Ka patai ahau ki te Minita mo nga Whenua, mo a hea ka oti nga mapi whakaatu i nga roherobenga o te Poraka o Waikopiro, a mo a hea tukuna ai nga tekihana kia maketetia e te iwi katoa?
Ko Te Makenehi (Hon. Mr. J. McKenzie).—Kei te wiki e haere ake nei e oti ai aua mapi, a hei reira ka tuhaina ki te iwi; a ko te ra e tu ai te makete ko te 16 o nga ra o Oketopa e haere ake nei.
Nga Manu Maori O Te Motu O Hauturu.
Ko Te Maahe (Mr. Massey).—Ka patai ahau ki te Kawanatanga, mehemea kua uiuia e ratou he pono ranei te rongo kei te patupatua nga manu Maori o te Motu o Hauturu, a mehemea kua uiuia e ratou, he pewhea taua rongo korero, he pono he tito ranei?
Ho Te Makenehi (Hon. Mr. J. McKenzie).—Kua utua ano e ahau he patai penei te ahua i era atu rangi o tenei tuunga o te Paremete. Kua uiuia e ahau taua rongo korero, a kua kitea he tito taua rongo korero.