Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Wenerei, te 31 o Hurae, 1895

Wenerei, te 31 o Hurae, 1895.

No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia.

Ka whakahaerea etahi Pire me etahi atu mea, ka tae ki te patai mo—

Te Aute Kareti.

Ko Tame Parata.—Ka patai ahua ki te Minita mo nga Kura, kua oti ranei te whakahaere me te hanga o nga mea i whakahaua nei e Takuta Makerika (Dr. McGregor) kia mahia, kia pai ai te ora o nga tamariki o te Aute Kareti Maori?

Ko Te Riiwhi (Hon. Mr. Reeves).—Kua tae mai te reta a nga kai-whakahaere o taua Kareti he whakaatu mai kua oti katoa aua mea te hanga; otira ki toku whakaaro kaore ano i ata oti te hanga o nga mea katoa e tika ana kia mahia, a na reira tera e tuhia atu ano e te tari he reta ki nga kai-whakahaere o taua Kareti, he ui atu mehemea kei te mahia kia tino tutuki nga mea katoa i whakahaua nei e Takuta Makerika kia hanga.