Whakanohonoho Whenua Ki Te Maori.

Ko Wi Pere.—Ka patai ahau ki te Minita mo nga Whenua, mehemea ranei kei te whakaaro te Kawanatanga he mea pai kia mahia etahi ritenga e tupu haere ai te whakanohonoho i te tangata Maori ki runga ki te whenua? A, mehemea e pera ana te whakaaro o te Kawanatanga, tera ranei e wehea e ratou etahi whenua a te Karauna, i ia takiwa i ia takiwa, hei kainga motuhake mo nga Maori kore whenua, kia ahei ai aua Maori ki te whakawhiwhi i a ratou ki te whenua i raro i nga ture-whenua o te koroni i raro ranei i etahi atu ritenga ngawari e rite ana mo te iwi Maori? He maha nga Maori puta noa i nga takiwa o te Mutu nei kei to noho kore whenua noaiho. Me mohio te Kawanatanga na ratou i mate ai nga Maori i te kore whenua, notemea hoki na te Ka-wanatanga i hoko nga whenua o te Maori.

Ko Te Makenehi (Hon. Mr. J. McKenzie).—E koa ana ahau i taku kitenga kei te ngakaunuitia tenei mea e te mema honore. Otira ki toku whakaaro ki te tino kimihia e te mema honore te putake i kore whenua ai etahi o nga Maori, tera e kitea e ia ehara i te Kawanatanga te he, engari tena ano nga tangata nona te he. Otira ki taku mahara he mea tika kia whakahaerea he tikanga e ngakauni ai nga Maori kore whenua ki te whakawhiwhi i a ratou ki te whenua i runga i nga huarahi e whakaaturia ana e te patai nei. Mehemea ki te taea te whakaatu mai ki au kei te hiahia nga Maori ki te whakawhiwhi i a ratou ki te whenua, heoi ka nui atu toku koa, a ka riro tonu maku o tautoko kia mahia etahi tikanga whakahaere e ngata ai nga hiahia o nga Maori.