No te hawhe-paahi i te rua karaka ka huihui te Whare.

Te Tumuaki

Ka tu ake te Karaka o te Whare, ka ki atu ki nga mema honore kaore e taea e te Tumuaki te whakahaere ana mahi i te mea kua pangia ia e te mate, na reira ka riro ma te Tiamana o nga Komiti e whakakapi te nohoanga o te Tumuaki.

Ka karakia te Whare.

Te Whakatuwheratanga O Te Whare.

Ka tae mai te kupu a te Kawana, he whakahau kia haere atu nga mema ki te Whare o Runga.

Haere ana te Tepute-Pika me nga mema ki te Whare o Runga, me te haere ano o te Haihana o te Whare i mua i a ratou, a, kaore i roa atu, kua hoki mai ano ki to ratou Whare.

Te Whai-Korero A Te Kawana.

Ka tu ake te Tepute-Pika ki atu ki nga mema honore, ara, i runga i te whakarongo ki te whakahau a te Kawana, haere ana tatou kia kite i te Kawana i te Whare o Runga, a pai ana te Kawana ki te whai-korero ki nga Whare e rua o te Runanga Nui, a kia tino marama ai ta tatou titiro i nga korero a te Kawana kua haria mai e au he tauira o ana kupu i whakapuaki ai.

No te koata ki te wha karaka o te ahiahi ka hiki te Whare.