Taite, te 19 o Hepetema, 1895.
Waapu I Otakou.

H. K. Taiaroa.—He patai atu tenei maku ki a te Pakere. Mehemea ranei tera e whakapaia e whakaotia e te Kawanatanga te waapu kaipuke i te Maori Kainga, i Otakou, i te mea hoki kei te pakaru inaianei, a tera e pa he mate ki nga tangata e haere atu ana ma reira? I tenei taenga atu oku ki taua wahi i kite au kua pakaru taua waapu i nga tima e haere atu ana ki reira. He tokomaha rawa nga tangata turoro e haere atu ana ki reira, mo a ratou mate, he wahi pai hoki mo nga turoro. Ko taua waapu ano hoki te ara atu o nga hoia ina haere atu ratou ki nga pa tuunga purepo. He maha rawa nga tangata e haere atu ana kreira i nga ra hakari, e tae ana ki te mano e tae atu ana i te ra kotahi.

Te Pakere.—Ko taua waapu kei te Hapa Paori o Tanitini te tikanga whakahaere, a ko te mea tika me tono atu ki a ratou, kaua e tono mai ki te Kawanatanga. Kaore he mana i te Kawanatanga mo taua waapu.