.gif)
Nga Korero Paramete: 1891-1895
Turei, te 9 o Hurae, 1895
Turei, te 9 o Hurae, 1895.
Kooti Whenua Maori.
H. K. Taiaboa.—E patai atu ana. au ki a Te Pakere, Mehemea e whakaaro ana te Kawanatanga ki te tuku Pire mai i tenei huihuinga o te Paramete hei whakatikatika i "Te Ture Kooti Whenua Maori, 1894"? Ko te take i patai atu ai au i tenei patai, i tae atu au ki Rotorua me etahi atu kainga Maori o tenei motu i mini mai o te mutuuga o tera huihuinga o te Paremete. Ki mai ana nga Maori o nga takiwa katoa e pa atu anate mate ki a ratou i runga i nga tikanga o te Ture Kooti Whenua Maori, e araia ana hoki e taua Ture ta ratou hoko me ta ratou whakahaere i a ratou whenua. He tokomaha o ratou i ki mai ko etahi o a ratou whenua e tika ana kia hokona mo te £2 (rua pauna) mo te eka e hokona ana e te Kawanatanga mo te kotahi hereni mo te eka. I patai mai hoki ki au mehemea ko au ano tetahi o nga Mema o te Paremete nana i whakamana atu taua ture. I ki atu au ko au ano tetahi o nga Mema engari kahore au nei i whakaae ki nga tikanga o taua ture.
Te Pakere.—Ko taku utu atu tenei, ae, e whakaaro ana te Kawanatanga kia whakatikaia taua Ture.
Te Rori I Portobello.
H. K. Taiaroa. — He patai atu tenei naku ki a te
Pakere. Mehemea e whakaaro ana te Kawanatanga kia whakaotia te rori
atu i te "Kaika Maori" ki Portobello? I mahia ano tetahi taha o taua
rori e nga hereherei mua, engari kua kore ratou e mahi i tenei wa.
He rahui Maori ano kei taua wahi, kua rua tekau ma rima nga tau
inaiatiei e nohoia ana e te Pakeha. E wha tekau ma rima nga riihi
kei taua rahui, a ko nga tangata e noho ana i runga hui atu ki a
ratou tamariki e tae ana ki te toru rau tangata, haunga utu nga
Maori o taua takiwa. E rua rawa. page 5
a ratou haeretanga ma taua rori i te
wiki ki Dunedin ki te hokohoko i a ratou taonga, a e haere ana ratou
ma taua rori. Ki taku mahara i pootitia te £1,000 mo taua mahia e
£700 o taua moni i whakapauaketia mo te rori ki nga pa hoia i Otago
Heads, a kaore i puta atu he painga ki taua takiwa. Ko taua moni
pootitia mo te rori atu i te Maori Kaika ki Portobello. Koia nei te
take i patai atu ai au i taku patai.
Te Pakere.—Ko taua rori kei raro i te maha o to hunga whakahaere o taua takiwa. E tika ana i maahi ano nga herehere i taua rori, a i te mea kua korerotia taua mea tera pea ka ata whakaarohia e te hunga kei a ratou nei te tikanga mo te whakahaere mahi i taua takiwa.