Paora Patu Whitiki

Ko WI PERE.—Ka patai ahau ki te Minita mo te taha Maori, mehemea kua whakahaua e te Kawanatanga kia uiuia te pitihana a Paora Patu Whitiki nama 122 me 126, 1886, i runga i te ripoata a te Komiti mo nga Mea Maori a taua tau; a mehemea kaore ano, ka pai ranei te Minita mo te taha Maori ki te whakahau i te Kaiwhakawa Tuturu mo te Takiwa o te Pei o Pereti, tetahi atu apiha ranei, kia uiuia taua mea?

Ko Te Hetana (Hon. Mr. Seddon). I uiuia tenei mea e te Paramena, Kai-whakawa Tuturu, koia tenei tana ripoata:—

"Ko te whenua e whakahuatia ana i roto i te Pitihana kei roto i te rohe o te Raupatu, a ko tetahi wahi o te poraka e mohiotia ana ko Roto 63, Matata. Ko taua whenua i hoatu e te Kooti Komihana ki a Ngatipikiao, a no muri iho ka hokona e Ngatipikiao ki te Kawanatanga. Ko nga kai-pitihana no te iwi o Te Tawera, e ki ana no ratou te whenua i te wa i mua atu o te Raupatu, ehara ia Ngatipikiao. Ahakoa e pera ana te ahua, kaore e tika ratou kia whai-kereeme ki taua whenua, i te mea i tahuri mai ratou kia Te Kuini; a no reira heoi te wahi i hoatu mo ratou e te Apiha a te Karauna, ko Rota 65 me 21, Matata, 1895 eka, na kei te takiwa kotahi enei whenua me te whenua e pitihanatia nei."

I penei me ta te reta e mau ake nei te whakaatu a te Kawanatanga ki te kai-pitihana i taua wa.

"Tari Maori, Poneke, "28 Oketopa, 1886.