Nga Korero Paramete: 1891-1895
Taite, te 20 o Hepetema, 1894. — Nga Maori O Waihao Me Waitaki
Taite, te 20 o Hepetema, 1894.
Nga Maori O Waihao Me Waitaki.
Ko Tame Parata.—Ka patai ahau ki te Minita mo te taha Maori, mehemea ranei kua whakahaerea etahi tikanga e uiuia ai kia mohiotia ai, mehemea he mea tika kia whakaturia he takuta mo nga Maori o Waihao me Waitaki?
Ko Te Hetana (Hon. Mr. Seddon). Ae, a i runga i uiuinga me nga whakaatu mai, ki toku whakaaro tena ano etahi kainga o reira e tika ana kia whakaaetia he takuta mo nga Maori; a tera e whakahaua kia whakaturia ko Takuta Karana (Dr. Garland) o Oamaru, me Takuta Pakere (Dr. Barclay), o Waimate, nga takuta hei tirotiro i nga Maori o Waihao me Waitaki, a kia £25 i ia tau te utu mo tetahi mo tetahi o raua.