Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Taite, te 19 o Hurae, 1894

Taite, te 19 o Hurae, 1894.

He maha nga patai i whakahaerea i tenei ra, a no te mutunga ka tae ki te motini a Ropata Te Ao mo:—

Horowhenua Poraka.

I runga i te motini a ROPATA TE AO, whakahaua ana kia perehitia te whakamaoritanga o te pitihana a Meiha Keepa Te Rangihiwhinui mo Horowhenua Poraka, i tuhia nei i te 21 o nga ra o Hune, 1894.

Pire Pooti Mema.

No te 19 o Hurae ka tu he korero m[gap — reason: damage]tenei Pire i te meatanga kia whakaaetia kia komititia taua Pire. He torutoru nei nga mema Pakeha i korero, a ka mutu era:—

Ko Hone Heke.—Ki toku whakaaro ko te ritenga e taki rua ai he pooti ma te tangata Maori kaore i te mana, ara kei te araia e "Te Ture Pooti, 1893." Kei te tino tautoko ahau i te korero a te mema honore mo Wairau. Mehemea kei te mahue i tenei Pire e takoto nei i te aroaro o te Whare taua mea i whakaaturia mai nei e taua mema, a mehemea hoki kaore taua mea i te araia e te Ture o naianei, kaati ki toku mahara me whakahaere tetahi tikanga mo taua mea e te mema honore kei a ia nei te ritenga mo tenei Pire.

Ka mutu te korero a etahi atu mema Pakeha, ka whakaaetia e te Whare kia komititia. Engari no etahi marama i muri iho, no te roanga o te Paremete e noho ana, he nui no etahi atu mahi a te Kawanatanga, ata whakarerea ana e ratou tenei Pire, a heoi kaore i paahitia.