Nga Korero Paramete: 1891-1895
Kaitangiwhenua Poraka
Kaitangiwhenua Poraka.
Te Kapa.—E patai atu ana ahau ki te Pirimia mehemea i te mea e tukuna ana kia uiuia nga tikanga mo te taha kia Wiremu mo runga i Kaitangiwhenua Poraka mehemea ka uiuia hoki nga tikanga o nga korero whakapae a Mihaka Rererangi mo taua Pakeha ano mo runga i nga moni £1,500 pauna i utua i runga a te takoha mo runga i Moumohaki Poraka? Ko te take e tatau ai ahau i tenei patai he mea i rongo ahau i utua e te Kawanatanga i taua ra nga moni £1,000 hei takoha mo runga i Moumohaki Poraka. I te tautobe nga Maori e whai take ana ki taua whenua i waenga i a ratou ano mo runga i te wehewehenga o nga moni a whakataua ana e ratou me tuku nga moni ki te Peeke kia oti rano e ratou te whakatau i nga raruraru ki waenga i a ratou, akuanei na te rangatira o taua hapu na Mihaka Rererangi i tuku i nga moni ki a Wiremu hei tuku ki te Peeke a kihai i tukuna ki te Peeke i runga i te ingoa o Mihaka Rererangi erangi i tukuna ki te Peeke i runga i tona ingoa ake ano a ngaro ake aua moni.
TE Hetana kei te korero whakapae te mema na i nga korero kihai i tika kia whakapuakina e ia.
Te Tumuaki me korero e te mema na nga korero e tino marama ana.
Te Kapa.—He whakamarama kau taku i tenei take no te mea kua whakaae te Kawanatanga ki te whakatu i tetahi Roira Komihana hei uiui i nga take o tera keehi a he whakaatu hoki taku kia uiuia ano hoki nga take o tenei.