Nga Korero Paramete: 1891-1895
Paraire, te 30 o Hune, 1893
Paraire, te 30 o Hune, 1893.
Awarua Poraka.
Takuta Numana.—Patai ana ki te Minita Maori ko awhea tonoa te Kooti ki te whakatau i te wahi o Awarua ma te Kuini?
Ko Mekenehi.—Kei te pai kei te tere te whakahaere o te Kawanatanga me te nui hoki o te wahi kua riro mai i te hoko. Tera pea e tere te tono ki te Kooti a ko ake nei.
Te Tiriti O Waitangi.
Ko Kapa.—Patai ana ki te Kawanatanga Mehemea kua oti nga kape o te Tiriti o Waitangi i whakaaetia i tera tau kia perehitia kanui hoki toku hiahia kia whakamana tenei whakaaetanga.
Timi Kara.—Kua oti aua mea te perehi inaianei a ka riro mai ina haere te tangata ki te Tari Perehi ki te mau atu i te rima hereni mo te mea kotahi.